馮允謙最怕親熱戲

英皇新人馮允謙（Jay）日前分別為新歌《夜半敲門》及《今天開始》拍攝MV，他在《夜》MV跟電視劇《愛．回家》的女演員蔣家旻扮演情侶，但因兩人已分手，故毋須拍攝親熱鏡頭，他說：「我唔鍾意拍親熱戲，事前已同公司聲明，我唔接受拍親嘴嘅鏡頭。」問他是否不愛女生？他說：「只係覺得Kiss係同女朋友做，仲要私底下，唔可以公開咁做。（你怕醜？）係o架，好彩公司同事都好尊重我嘅意願，唔會逼我做我唔願意嘅事。」

另外，他又表示拍《今天開始》MV拍得很開心，除了不用與女主角拍親熱戲外，更可寓工作於娛樂，騎單車遊覽西貢的怡人風景，還可以在草地上彈結他，享受大自然的寧靜和清新空氣。