倪晨曦做妹妹伴娘

江若琳師妹倪晨曦（Elva）的孖生妹妹早前於夏威夷結婚，Elva擔任伴娘，看到妹妹爬頭，她笑言是好事︰「我冇所謂，佢結咗婚仲好，屋企人就唔會催我，而且我唔急仲睇緊，自己向來都冇諗過咁快結婚。」Elva又在當地多留一星期吃喝玩樂，但卻表示遇上恐怖經歷︰「我記得出去行街，突然有位男士攬住我，當時畀佢嚇一嚇同尖叫，之後就即刻跑走咗！」事後她才得知是自己亂戴頭飾累事，她笑說︰「原來當地嘅文化係，如果單身就會喺頭嘅左邊戴花頭飾，但我當時唔知，求其戴喺左邊出街，搞到啲異性咁熱情。」