否認張嘉兒送上門鄧健泓發老脾

鄧健泓昨日與陳茵媺等出席活動，日前他再被影到與港姐張嘉兒睇戲，但他忟憎地否認拍拖：「有其他朋友喺度，再講多次，我同嘉兒係朋友，佢冇上我屋企。（佢行後巷去你屋企？）去到便利店已經走咗。」問到會否不再單獨約會，他勞氣地說：「係咪咁就絕交？真係奇怪！點解我冇結識朋友嘅自由！（發展機會？）隨緣。（依家單身？）梗係！我係咪唔可以同其他異性出街？（嘉兒被指小三會令你唔敢追？）冇咁嘅事，之前同龔嘉欣喺微博澄清咗。（報道出街後打畀嘉兒？）有，佢冇嘢。」其舊愛龔嘉欣昨日受訪時則說：「唔知佢哋係咪一齊，樣樣關我事咪唔得閒！如果係真咪祝福囉！」

而陳茵媺指情人節與陳豪各有各拍劇，亦未想到送甚麼禮物：「其實如果有時間陪對方，就算一個鐘、半個鐘已經係最珍貴嘅禮物。」