嘉穎為錢途年半冇抖

鄭嘉穎應邀到巴黎時裝周睇騷，並獲安排坐頭排，但進駐內地吸人仔的他翌晚便要趕回內地工作，沒時間購物及遊名勝，他更自爆已一年半沒有放假！

無綫小生鄭嘉穎於巴黎時間16日出席當地Valentino 2013秋冬男裝騷，首次在巴黎睇騷的他獲品牌安排坐頭排，卻姍姍來遲。騷後他表示節奏很快，自言最愛當中的格仔設計：「我覺得Slim Cut適合我，我着48碼。」問到可有想過成為男模行騷？他自嘲不夠高大：「佢哋個個都高高大大，我唔得！（你謙啫？）唔係。」並賣口乖感謝品牌邀請，至於日後可有合作機會？他坦言會保持友好關係。

早兩日已抵巴黎的嘉穎，睇騷翌日為雜誌拍攝後即晚離境，沒時間購物及觀光，他說：「唔可以留得耐，要趕返內地橫店拍古裝劇，雖然冇時間行街，但可以品嘗法國美食已經開心，見識吓囉！」他自爆已一年多沒有放假，故笑言今次赴巴黎是半休息形式工作。

單身萬寶寶否認眼角高

同晚，社交名人萬寶寶與女友人欣賞Mugler 2013秋冬男裝騷，她表示近日經常北京、香港兩地飛，現專注首飾設計工作，生意理想：「香港同內地都好好賣，真係開心！（開舖？）暫時唔會，但網上都有得賣。」提到感情生活，她表示沒有拍拖：「依家享受單身生活。（擇偶條件高？）唔係，感情事隨緣。」