柏豪幫Kary拎獎

歌手周柏豪及緋聞女友吳雨霏（Kary）前日在頒獎禮上同台領獎，帶病上陣的Kary堅持要出席，而在旁的柏豪對Kary呵護備至，不避嫌地主動幫患病的Kary拎咪及拎獎，相當細心！而病到聲沙的Kary亦落力獻唱，贏得全場掌聲。

黃耀明又轟政府

達明一派前晚出席頒獎禮，身為「Big Love Alliance」（大愛同盟）發起人的黃耀明批評政府並無「反歧視」同志諮詢計劃：「好遺憾，我奉公守法又有畀稅，點解要做二等公民？諮詢唔等於立法，但連諮詢呢一步都唔行，係漠視少數嘅社會！」他又指抗爭非一朝一夕，稍後會與大愛同盟開會商討進一步行動。他又指知道趙式芝有意傾這個題目，看看有甚麼可以傾。

軒仔撐Ivana金曲金合理

奪「我最喜愛男歌手（香港）」的張敬軒表示，好友王菀之（Ivana）沒有向他呻被網友批評奪「勁歌」金曲金獎：「佢對獎項睇得淡，有就開心。（戥佢唔抵？）做乜都有人講，依家網絡發達，講乜都得，佢嘅作品好個性化，行小眾路線，但都願意畀肯定佢係好好嘅開始。」軒仔並大讚網友改編的《留飯》：「好好笑，好鍾意！」