林峯個唱瘋炒到$6,000 G.E.M.落廣告遭紅隧落閘

歌手G.E.M.（鄧紫棋）昨日接受電話訪問，問到有網友指其爛車海報會嚇親駕車人士，G.E.M.坦言公司暫未收到任何投訴，又指可能網友「玩嘢」，她並不介懷。其後又大爆遭紅隧拒絕落廣告：「因為我哋個廣告喺隧道拍，所以紅隧唔畀我哋落廣告。」

而她前晚及林峯出席頒獎禮時，提到個唱門票賣到$1,280，比甄妮還要貴，G.E.M.說：「好驚呀！唔好再講，上次喺無綫自嘲都畀人話我寸！（貴價飛Fans後台會見到你？）有機會。」談到祖兒當晚跟她講過甚麼？她說：「佢話Ivana都冇諗過自己攞金，覺得祖兒今次好冤枉，一定唔係講負面嘢！」

林峯則表示曾打算將個唱票價調高：「調高有助遏止炒風，但驚啲粉絲買唔起，聽聞我啲飛依家炒到$6,000。（會計劃有後台參觀？）我開騷前要閉關，係都慶功先答謝大家。」