苟芸慧天真玩死兔

苟芸慧是不少人心中的女神，但原來她也試過「殺生」！她小時候曾以為世上只有白兔，但家中所養的卻是灰兔，便以為牠太污糟，替牠洗澡，豈料灰兔因而死掉！

宅男女神苟芸慧（苟姑娘）昨日出席《動物嘉年華啟動禮》，畫家即場替她畫了一幅「兔女郎」畫像，但她收到畫像後卻自爆：「我細個以為所有兔仔都係白色，屋企人買咗灰兔同白兔返嚟，我就以為隻灰兔係污糟咗，所以幫佢沖涼。點知好心做壞事！兔仔唔濕得水，搞到佢死咗。」她家中原本有飼養其他寵物，但來港發展後，因怕沒時間照顧，所以便沒再飼養寵物。

苟姑娘提到擇偶的首要條件是「有愛心」：「齋講I Love You冇用，要知道點去愛同被愛。都試過有男仔同我講I Love You，但未必知道我想點樣被愛。」此外，提到觀眾愛把焦點放在強姦戲上，她表示有同感，亦擔心這種風氣會教壞小朋友，因此希望日後能多拍一些正面的東西。

否認博上位

提到早前有報道指她願拍強姦戲博上位？她澄清：「作為演員，我唔介意嘗試，博上位就唔係，係人哋（報道）用字眼做宣傳。」她在活動後與斑馬及長頸鹿人偶拍照，期間兩隻「動物」的手部不小心錯放在她的敏感部位上，但苟姑娘未有為意，還笑得相當開懷！