陳柏宇Chok爆矇豬眼

藝人從前拍張靚相不外乎三七面睩大雙眼，近期卻進化成「射喱眼」影相，不過陳柏宇卻與別不同，獨特的「矇豬眼」加「方塊面」表情一出，真是笑盡幾條街！

歌手陳柏宇（Jason）向來都非常百厭，平時雖然忙於工作，但仍不忘搞吓新意思自娛一番，日前他準備拍攝唱片封套時，又再次發功。Jason見未埋位，竟裝出一副鬼臉，而這副鬼臉竟達到神級境界，原本面尖尖的他恍如戴上面具一樣，頓時變成方塊面，下巴更幾乎起角，加上額頭高高的他把頭髮Jel起，面形驚變成長形洗衫板一樣，不過這個鬼臉難度最高的是眼和口同樣變了一條直線，恍如一個卡通樣，非常搞笑。

不少圈中藝人都愛瞪大眼Chok個靚樣，但相信Jason品味與別不同，一對「矇豬眼」細得連眼珠都看不見。近期已有不少藝人流行「射喱眼」影相，但Jason這對另具一格的「矇豬眼」確實少見，而未知Jason突然Chok出這個「矇豬眼」趣怪表情，是否因工作忙陪不到女友，而用來氹女友開心的絕招呢？