謝安琪（Kay）及任賢齊昨日擔任慈善單車活動大使，她大呻因肚屙而不能落場踩單車：「今日腸胃炎，因為早前拍戲飲咗好多假紅酒，又拍咗好多食飯戲，係咁肚屙，仲要打針！」抱恙在身的Kay表示因可再上《勁歌》獻唱而非常高興。小齊則出動戰車現身活動，他說：「呢架車係度身訂造o架，係人哋送畀我，無價o架！但我估計都起碼要十萬。」他又指香港供踩單車的配套設施不足：「唔好淨係起樓，起多啲單車公園，好過搞運動會，浪費晒啲錢。」
小齊大騷「無價戰車」，抱恙的Kay則推着單車漫步。
