歌手周永恒已是兩女之父，大女2歲2個月，細女只有2個多月大，早前他出席親子活動時表示做了爸爸後，更樂意唱歌氹小朋友開心，當他擺出趣怪表情，就氹得女兒哈哈大笑，他說：「我拍《六樓后座》時鍾意戴黑框眼鏡，個樣幾卡通o架！我成日扮鬼臉逗大女開心，個女開心，我扮傻佬都得。」他又說：「真係畀佢玩爆，我叫佢傻豬，佢竟然叫我老公！佢聽到阿媽咁叫，佢又咁叫，都唔知好嬲定好笑！」周永恒表示已找到投資者，將會開製作公司，之後會做音樂及拍廣告：「我想賺多啲錢，等屋企人生活得更好。」
不介意扮「傻佬」氹囡囡，周永恒果然是好爸爸！
周永恒扁晒嘴，唔知囡囡會否呵番他呢？
