洪杰SMS朱紫嬈夾口供

近日有傳富二代歌手朱紫嬈（Khloe）戀上英皇歌手洪杰，兩人常約會兼在微博傳情，更有報料者指洪杰曾夜訪Khloe香閨。洪杰昨日受訪時說：「係有去過Khloe屋企樓下嘅戲院，嗰次同佢同一大班朋友睇戲，佢係帶我去佢朋友舖頭買衫，但我哋只係兄妹關係。」他不諱言常跟Khloe「孖公仔」，又否認曾追求歌手吳若希的傳聞：「咁搞笑，我當佢小朋友咋！」

Khloe受訪時則表示已收到洪杰的「通水」短訊，她否認洪杰曾夜訪其家：「我同父母住，就算真係（拍拖）都唔方便嚟我屋企啦！嗰次畀人睇到係因為佢嚟我屋企樓下同我睇戲咋。」她又直認跟洪杰到友人的時裝店買衫，已甩拖半年的她自言未想過拍拖，卻大讚洪杰是「可以溝通到嘅人」，以「隨緣」來形容跟洪杰的發展機會。而她早前拍新歌《幸福論》MV，雖要在MV中跳樓身亡，卻覺得現時很幸福。