積極進軍內地市場的王祖藍最近在內地節目《百變大咖秀》憑超強的模仿絕技火速走紅，隨即吸納了一批內地新Fans，他說：「微博粉絲多咗成倍，依家有一百幾十萬。內地市場真係好大，每星期都有兩億觀眾睇個節目，仲未計翻睇嗰啲，希望可以喺綜藝方面殺出條血路啦！」
有傳他以超高價接了四個內地春晚騷，但他笑說：「唔算好高啦！係接咗四個騷，但唔敢收好貴，最緊要開拓到市場，等多啲人識先。」
在內地火速走紅的祖藍否認以超高價接內地春晚騷。
