陳豪唔夠祥仔Chok

兩大視帝黎耀祥及陳豪昨日在錦田拍攝無綫新劇《傳愛事務所》，劇情講述二人遭四名「黑道」圍兼被迫滴血為盟，嚇得他倆頭暈及手震震「打爛人飯碗」，結果換來以擺Chok樣拍照當入會，祥仔惟有尷尷尬尬笑住Chok，戇直陳豪則老實地說：「我唔識Chok o架喎！」場面惹笑！

相隔四年，與升呢「三屆視帝」的祥仔再合作，陳豪表示十分開心：「一直都想同祥仔合作，遇到好對手真係難得！令到我都要做好啲，因為祥仔唔會NG，所以我都唔可以NG太多，但我出名係『NG王』，試過拍《洛神》一個Take拍咗三、四十次！」提到無綫劇近日大玩「強姦」踩線戲碼，問到該劇可有這類爆點？兩人即耍手擰頭齊呼：「呢啲留番畀第二個啦！我哋唔拿手o架！」又表示該劇着重劇本內容，問到是否靠演技取勝？祥仔笑說：「唔係！係靠我哋兩個靚仔！」