周汶錡唔留力造人

名模周汶錡（Kathy）去年與法籍老公Julien Lepeu在法國完成童話婚禮，昨晚他們在港補擺喜酒，一對新人在記者面前兩度接吻晒恩愛，Kathy承諾會努力造人，不排除做蛇年媽咪，不過為招呼朋友，未有留力造人。

周汶錡與老公Julien去年九月在法國香水之都Grasse舉行童話式婚禮，昨晚在香港假中國會補擺喜酒招待親友，婚宴以1920年懷舊風作主題，到賀賓客包括關之琳、劉嘉玲、琦琦、葉童、范姜、歐陽妙芝及周慧敏等，場面熱鬧，而王賢誌及黃佩霞則擔任大會司儀。

新人接受訪問時兩度接吻，幸福滿瀉。問到Kathy有否再嫁感覺？身穿Elie Saab婚紗的她笑說：「都係開心，今晚唔同，因為喺香港，自己地方擺酒。之前公公婆婆去唔到法國，今次着番婚紗畀佢哋睇。（定家規畀老公？）冇！最緊要開心。（今晚老公找數？）呢啲唔講，總之走得甩。」對於有賓客催生BB，Kathy照單全收：「我會努力。（會生蛇BB？）咩都有機會！（今晚要留力洞房？）唔會！因為要招呼朋友。」

周麗淇自己攞花球

Kathy表示在婚宴中會斟茶給長輩及有拋花球儀式，問到會否拋給妹妹周麗淇？周麗淇搶着說：「唔使拋，我自己攞！（見到家姐嫁，你會唔會恨嫁？）冇！反而好緊張。（叫佢介紹兄弟團畀你識？）冇！全部都識而且結晒婚。」Kathy聞言說：「可能會有漏網之魚呢！」

關之琳笑住避談婚事

關之琳祝福新人快點生B，送上金豬牌給新娘，問到有傳她好事近？她微笑揮手未有回應。而劉嘉玲認為生仔與否由新人決定，祝對方白頭到老，中法文化多溝通。琦琦被問到會否傳生仔秘方？她笑說：「希望今晚洞房一擊即中，總之搞掂咗今晚先，過幾日同佢講。」

婚宴分上下場，先筵開11席與親友食飯，菜式以中菜為主，但將魚翅改為花膠，養顏又環保。席間Julien會致歡迎詞，並會播放當日二人在法國註冊的片段，回禮禮物有中式花生糖。其後的派對邀請了300人出席，請來爵士歌手Howard McCrary現場演唱，回禮禮物是Amanda S.餅店出品的曲奇餅，而Kathy會換上由本地著名設計師鄭兆良設計的晚裝。