羅仲謙Chok演浩南反胃狂嘔

羅仲謙獲王晶欽點在新片《古惑仔：江湖新秩序》中飾演經典角色陳浩南，他笑言不知為何會選上他：「一接到晶哥電話嗰陣好開心，之就後開始擔心，因為有壓力！（網民對你飾陳浩南毀譽參半？）冇得諗o架啦！都拍完啦！」

新版「古惑仔」中的陳浩南不再英雄主義，反而非常貼近真實和人性化，謙仔說：「陳浩南咩都唔做得，唔會再勇字當頭，佢哋係怕死嘅，唔再打橫行，始終個社會唔同晒！」又稱角色的設計非常寡言，有很多顧慮，故經常Chok出「諗嘢樣」，相反謙仔很羨慕梁烈唯飾演的山雞：「山雞個角色可以無限放大，冇任何框框，好大發揮！」

拍攝期間，謙仔要不斷吸煙令他相當難受：「我由唔識食煙到依家學識食煙，試過一場戲食咗一包煙，食到反胃成個人暈暈哋，連黃膽水都嘔埋出嚟！」

電影《古惑仔》系列深入民心，問到會否怕被定型，謙仔說：「可能某一日我會話畀人定咗型係慘，但呢一刻我好想，因為定型係代表套戲成功！希望喺街有人叫我陳浩南！」