梁烈唯被當素人立志成名

無綫藝人梁烈唯去年榮膺「飛躍進步男藝員」，但他亦曾經歷一段不為人認識的日子，他說：「有次同張智霖食飯，點知畀人影咗，跟住篇報道以張智霖友人嚟形容我，雖然拍咗戲一段時間，但原來都係冇人識！」曾經有次參與宣傳活動，唯唯想進場時卻被保安攔截，因對方認不出他是要上台的藝員。

雖然唯唯深感無奈，不過他化悲憤為動力，努力工作，近年終於捱出頭！他坦言現時外出時跟以前大有不同：「依家走到旺角街頭，有啲青少年會嗌我山雞（電影角色），你話一個角色對一個演員嘅影響幾大！所以我希望可以做一個好榜樣畀喜歡我嘅人睇！」