Sparkling Girls獲校長點醒

由莊茜佳（Tasha）、吳洺錡（Sena）和林宜鎂（小鎂）組成的新進女子組合Sparkling Girls，早前獲邀到湖北黃石登台，在現場多達三萬名觀眾面前又唱又跳，最令她們興奮的是遇上「校長」譚詠麟，更有機會與校長一起食飯，還獲賜金石良言，令她們獲益良多，成員Sena說：「真係冇諗到可以同校長一齊食飯！我哋當然把握機會自我介紹，佢即刻好無私咁教我哋做新人最緊要勤力，唔好怕辛苦，我哋會好好記住！我哋即刻唱咗幾句新歌佢聽，同佢講暫時得一首歌，校長即刻講笑話依家新人真係勁，一首歌已經可以走天涯，真係後生可畏！」