梁漢文新歌唱到肚痛淚流

梁漢文（Edmond）約滿金牌大風前推出最後一張唱片《E.d.M.O.N.D》，其中新歌《MMM》更夾雜了五種語言，包括西班牙語、韓語、泰語、冰島話及廣東話，他坦言泰語最難學：「我又唱得乞人憎，錄音時同Eric Kwok笑到肚痛，流晒眼水好辛苦，但好過癮！」他希望新歌能為大家帶來歡樂。

Edmond於2002年加盟金牌大風，轉眼間已過了10年，現已落實去向，相信很快就會揭曉，他說：「每個人都有唔同階段，轉公司或者離開都係好自然嘅事，大家唔使太過『咩』，係正常！」他重申跟金牌大風從來沒有任何不快：「雖然過去人事變動較多，但同同事嘅相處係好和諧同開心！」