SG「內訌」爭林德信

Super Girls各懷演戲夢，更吼實型男林德信做對手，滿腦子「五女爭德信」的情節，奉旨大演親熱戲！為了實現「爭仔夢想」，她們向老闆出盡口術：「Herman哥（何哲圖），我哋好想拍戲呀！」

跳唱組合Super Girls（SG）日前在寒冷氣溫下，穿小背心出席活動，凍到「起雞皮」！老闆Herman大感心痛而要求更換長袖舞衣，但她們說：「着長袖衫跳舞會箍住，加上會熱到『胳肋底』出晒汗！」提到成員Yanny早前險遭「鹹豬手」，問到可有特別防範？她們說：「完全唔記得防範，握手嗰時仲畀熱情粉絲扯！」

問到新年願望可會希望人人有拖拍？原來五個女孩子當中有人甜爆，有人Dry爆：「唔好交代得咁清楚，畀啲幻想大家！」但她們不約而同都希望一嘗演戲滋味，並參與不同試鏡。曾與型男林德信（Alex）拍攝微電影的Cheronna更隔空「示愛」，希望再續前緣：「如果有親熱戲，對手希望係Alex，因為佢好乖、好得意！」

樂瞳獻Sing緊張

其他成員隨即踢爆她曾「跟佬走」：「上次同Alex出席活動，Cheronna竟然唔肯走，仲同我哋講Byebye，真係女大不中留！」她們更自行構思「五女爭一男」的橋段，又向老闆出口術爭取拍戲：「Herman哥，我哋好想拍戲呀！」同場的樂瞳扮「鬥雞眼」與粉絲玩遊戲，她表示因長時間沒有唱歌而感到緊張，但將會投放更多時間發展歌唱事業。