劉嘉玲接受「意外」

拍畢《一代宗師》的梁朝偉在台灣受訪時表示沒計劃生育，劉嘉玲昨日坦承有共識不生BB，但若有意外亦欣然接受！

劉嘉玲昨日以揭幕嘉賓身份出席Chaumet專門店開張活動，問到情人節送甚麼禮物給偉仔？她說：「佢有我已經最寶貴。（偉仔台灣受訪時話冇生育計劃？）有詳細溝通過，依家係科技年代，刻意製造係可以做到，但我哋覺得依家好舒服！（有意外？）有意外會要，因為係天意。」

讚子怡演得好

嘉玲大讚偉仔在《一代宗師》中演出大有突破，有指偉仔在尾段戲份不及章子怡﹖嘉玲不覺得：「可能佢做得太好，啲人嫌唔夠喉；子怡都做得好好。我都想係其中一個角色，可惜冇。（宋慧喬被刪剩六分鐘戲？）唔應該講求戲份多同少。（偉仔攞硬影帝？）已經唔重要，佢享受咗過程。（偉仔完成宣傳同你去旅行放鬆？）唔需要，佢喺屋企最Relax。」

此外，偉仔前日與導演王家衛夫婦到台灣出席《一》片的宣傳活動。