黎芷珊捧獎感動到喊

黎芷珊早前在無綫台慶勇奪「最佳節目主持」獎，工作量隨之飆升，然而她卻飲水思源，承諾不會離開娛樂新聞台大家庭。日前她獲一班好同事包括周奕瑋（Jarvis）、黎國輝（阿感）及林子博等共40多人「羅漢請觀音」，以打邊爐形式賀得獎，場面相當熱鬧。

Jarvis等為氹前輩一笑，先是訂製了一個5磅印有芷珊得獎靚相的蛋糕，繼而仿照實物造了Q版獎座送贈給她，令芷珊感動不已，眾人盡興至凌晨3、4時才返歸。芷珊事後接受電話訪問，坦承被他們感動：「佢哋準備咗一個好似木盒咁嘅嘢畀我，打開原來係佢哋每位有份出席飯局嘅，都寫低咗啲說話畀我，好有心。我返屋企細心再睇，真係忍唔住喊咗出嚟。」工作接踵而至，加上各大小慶功，這陣子芷珊忙個不停，不過卻愈忙愈高興。