薛家燕破禁為亞視做講師

無綫和亞視近期化敵為友，繼慈善步行「聯盟」後，據悉無綫應亞視邀請，於下星期一派出薛家燕為亞視「訓練班」擔任講師。無綫李寶安與區偉林、亞視高層鄺凱迎和葉家寶分屬好友，當日慈善步行聚餐談及兩台合作的可能性，傾談間鄺凱迎提到汪明荃是麗的第一期訓練班學員，隨即想到邀請阿姐擔任講師，李寶安亦同意交流，但因阿姐未能度期，最後改由薛家燕頂替。

無綫集團總經理李寶安接受訪問時說：「大家係好朋友，對方有咁嘅要求，我哋開咗幾次會討論覺得冇問題，我哋唔排除呢啲學術性交流，佢哋搵啲藝員嚟無綫教可以，呢啲合作亦顯示團結。（要顯示團結畀王維基睇﹖）唔止要畀王維基知道，係要畀所有人知。所有人都可以做朋友，只要對方態度友善，但王維基攻擊無綫就好難做朋友。」家燕姐近期忙於與Honey Bees宣傳《弟子規》唱片，她受訪時說：「唔好講話教，自己都樂於分享唔同地方嘅工作經驗。」