舒淇撐星爺唔孤寒

舒淇昨日以大露背裝出席香水品牌活動，對於周星馳被指孤寒，剛與對方合作新戲的舒淇力撐星爺：「我Feel唔到佢孤寒！（拍戲嗰時周星馳有冇萬歲？）有！」最近有傳被星爺追求的舒淇說：「我聞唔到追求嘅味道！（如果佢追？）冇如果，有就世界唔會亂！（鍾唔鍾意星爺類型？）有才華嘅都鍾意！」其後再問到與星爺英文名一樣叫Stephen的馮德倫，舒淇即用星爺來擋駕：「你哋問嘅Stephen係Stephen Chow？（問Stephen Fung呀！）唔係宣傳嘢唔講！」

而久不久便談起周星馳的王晶，昨日於微博就星爺近日曾指「要拍好電影才能賺到錢」的言論作出回應，自言都想拍好電影，又力數有人搶了別人的創意據為己有，並上載一張粗口手勢照片，但未幾即刪掉，問王晶為何刪微博？他說：「費事啲人亂諗！（微博講緊周星馳？）唔係，只係有感而發！（個不文手勢畀邊個？）冇對任何人發手勢。」至於田啟文早前接受電台訪問，提到周星馳當年以二百元T恤換13張戲票，他指當時說出此事是想帶出自己從沒向星爺拿過着數，並非指星爺孤寒。而在田啟文眼中，星爺並非很差的人，只是很多事可以做得更好。