戚其義離巢珍姐歡送伍姑娘:我係佢粉絲

無綫金牌監製戚其義於本月1日離開服務20年的無綫電視,外闖搞公司,無綫高層曾勵珍及曾與戚其義合作的藝員,如陳豪、蔡少芬、伍詠薇和茍芸慧等前晚設宴為他餞行。

無綫金牌監製戚其義於今年元旦已正式離開無綫,今後除了製作電視劇,亦會拍廣告和電影。與他合作無間的藝員,如陳豪、蔡少芬、伍詠薇,茍芸慧,黃德斌和葉翠翠等出席歡送晚宴。戚其義說:「其實我真係好唔捨得走,但天下無不散之筵席,我喺無綫20年,好想睇吓外面嘅世界。」

盼山水有相逢

宴會上,戚其義收到蔡少芬送的禮物,但他未有拆開來看。他表示餞行宴令他覺得很感動。伍詠薇(伍姑娘)說:「我冇送禮物畀阿戚,反而係佢送大禮,其實我哋喺亞視已經認識。喺圈中我最欣賞甘國亮、杜琪峯同阿戚,我直情係佢粉絲,好多謝佢畀機會我拍未出街嘅《金枝慾孽貳》,希望套劇有好收視同埋佢日後唔係同敵台拍嘢,我仲希望山水有相逢,大家有機會再合作。」茍芸慧因有工作在身,收工便立即趕來。而蔡少芬住得遠,老公張晉未有同行,曹永廉很有風度地送她離去。

影視組

茍姑娘收工後即趕到為戚其義餞行,十分畀面!

戚其義獲大批藝員送別,伍姑娘倚在他身邊,依依不捨。

蔡少芬沒有和老公同來,曹永廉有風度地送她離去。