監製：唔賣弄色情 苟芸慧叫大家唔好心急

在《法》劇中與謝天華車震的苟芸慧，揚言未看過高海寧被姦片段，但之前有問過高Ling拍攝情況。對於有網友批評無綫將強姦戲拖長來播，苟芸慧說：「觀眾聲音要聽，而點剪就要睇導演嘅意思，可能配合之後嘅劇情，大家唔好心急！」

對於其車震戲不及高Ling般大回響，苟芸慧說：「嗰場戲對我嚟講喺一個挑戰，而我暫時未能應付到強姦戲，要一步一步慢慢嚟！（覺得拍強姦戲易出位？）唔好咁講！係挑戰嚟啫！」

而《法》劇監製文偉鴻對於前晚的強姦戲被網友鬧爆，他重申該集並非賣弄色情：「依家啲觀眾識睇戲，唔係單睇呢場戲。我睇完有上番Baby Kingdom個網，啲媽咪冇抗拒，仲反而支持高海寧，讚佢做得好，佢哋先係睇緊戲。」