Yumiko初見陳沖賣口乖

鄭希怡（Yumiko）近月身處杭州為內地電視劇趕戲，大前晚她有機會和兒時偶像，國際影星陳沖結片緣，劇中陳沖飾演其上司，在兩日相處中，她大讚前輩友善：「佢着咗低胸裝出嚟，全身都散發出攝人嘅魅力，很欣賞佢性感又迷人。知佢係出色嘅演員外，仲做過導演，覺得佢好叻，我都好想似陳沖姐姐咁有多方面嘅才華，將來我都想試吓做導演，做個全能藝人。最失望係因為陳沖姐姐趕住返美國，我未有機會請佢食飯幫佢洗塵。」雖然她和陳沖是首度正式見面，但因大家都是上海人，故彼此有份莫名的親切感，但因她很久沒有說上海話，故陳沖取笑她的上海話退步了。