大姐明最憎「啞仔」Lam

林子祥（阿Lam）與趙增熹前晚出席其音樂特輯《十分熹祥十分吋》記者會，TVB專誠搵好友林建明及鄭國江撐場，大姐明一見到阿Lam就撲上前錫面珠，並透露兩人廿年沒聯絡，更指阿Lam當年似啞巴：「我哋當年合作拍電影，但係佢唔講嘢，全程坐埋一邊唔出聲，搞到好鬼憎佢。」阿Lam解釋：「當時唔係好識中文。」

阿Lam又表示會在演唱會大晒70年代珍藏照，他又指音樂特輯無法請囝囝林德信做嘉賓：「我請咗Sally（葉蒨文）同我嘅親人嚟，不過佢哋只會喺台下睇騷，本來都想叫林德信o架，但因為佢屬於四大唱片公司，唔入得TVB，不過到演唱會就會見到佢。」