執二攤「俄姐」想Win

亞姐候選佳麗昨日宣傳《ATV 2012亞洲小姐競選總決賽》，眾人乘開篷巴士到灣仔金紫荊廣場，吸引逾百名遊客圍觀，由於現場沒有保安，故出現一些小混亂，頂替離奇失蹤佳麗杜悅的俄羅斯代表(9)伊莉莎維他．歌拉高娃首度見傳媒，對於被指執二攤，她透過翻譯表示不知杜悅退選原因，但對能來港參選感開心，更自言俄羅斯女仔美麗，對自己充滿信心。現年20歲的她，透露當了6年Model感疲倦：「我開始幫Model公司搵新女仔（目標唔係做藝人？）未必適合，將來都係想做Fashion行業。」而(16)港澳賽區代表黃璧安表示，不擔心現場人多被博懵：「都見慣龍友，佢哋唔係（目及）中我，聽其他佳麗講試過畀龍友跟住，我就未試過囉！（見過後補佳麗(9)？）尋日見到，都幾Nice嘅女仔。」