葉德嫻撐G.E.M.有打招呼

葉德嫻（Deanie）昨日為3月8日起在紅館舉行的《deanie SING FOR ME 2013葉德嫻演唱會》舉行記者會，並再三叮囑歌迷準時入場：「冇理由要一班人等你！」隨即自爆當年遲到當食生菜，以致犯眾憎：「好乞人憎，係我人生污點！」她還列出多條演唱會「禁令」：「唔好買螢光棒、送花同盜錄，將啲錢用我名義捐出去。」她笑言當年即使遲到亦沒有人敢鬧她，只是她反省後自覺很討厭，問到曾否遭後輩不禮貌對待，她說：「我好少出街，去睇騷見到人都會點頭，人哋未必識我，我又未必知佢係邊個，唔想畀人覺得我冇禮貌。」談及甄妮公開指摘鄧紫棋（G.E.M.）沒有跟她打招呼，Deanie表示曾欣賞G.E.M.的演唱會，力撐對方有禮貌：「佢有同我點頭，每個人嘅價值觀同角度唔同，各自為政啦！」