林紫君被高層斥唔上心

亞視最近將「曠課」藝人「落鑊」，日前更在訓練班上點名「提示」林紫君已遲到1.5次！林紫君昨日猶豫地說：「我印象中係遲1次，點先叫1.5次？」並自言家住港島區，返公司路途遙遠，望公司體諒。高層葉家寶則解釋：「無故缺席2次、遲到共3次先會有所行動，上、下午堂分別計一節，即0.5次，林紫君遲咗3節，所以係1.5次。（林紫君唔知？）其實Day 1已經通知咗。（藝員冇聽書？）可能聽咗冇放喺心。（有車馬費？）藝人本身已有月薪，理論上唔應該再有津貼。」

至於顏子菲剛從台灣返港，她說：「我上咗兩堂，之後請假兩星期去台灣玩。（怕畀人秋後算帳？）唔怕，好耐之前已經請咗。」