唯唯為頭家抓片約

有指導演王晶本想與梁烈唯（唯唯）簽10部片約，但因唯唯涉誹謗官司而影響情緒，最終改為僅簽1部，令唯唯賺少逾百萬元！唯唯昨日叫記者幫口：「你哋幫我叫佢（指王晶）簽番我，我唔會畀情緒影響工作，我冇特別唔開心。雖然錢唔係最重要，但都要養妻活兒！（有超級高層撐你？）邊有咁嘅事，任何藝人喺TVB有問題，公司都會作出適當協助。」而樂易玲則表示徐淑敏（Suki）沒有因老公黃浩惹官司而不快，問到TVB明撐唯唯會否令Suki尷尬，她說：「兩個都係TVB經理人合約藝人，我哋都好關心Suki，仲幫佢接好多Job。如果佢有需要，我哋都會幫，但佢EQ好高、好Tough（硬淨），從未提過呢件事。（傳佢退出幕前做美容生意？）佢冇咁嘅意思，我哋仲有好長合約。」