否認Race介入 鍾嘉欣撐伍允龍乖仔

鍾嘉欣、林夏薇、陳智燊和林淑敏等昨日宣傳無綫劇《幸福摩天輪》，即將拍畢劇集《巨輪》的嘉欣透露，將放兩個月假敍天倫。對於有指黃婉佩（Race）介入她與伍允龍戀情導致分手，嘉欣坦言與伍允龍關係依舊不錯，與Race亦同屬好朋友，惟近日忙開工少聯絡，更指若Race與伍允龍傳緋聞會笑死。有指她乃宅女，伍允龍卻爛玩，嘉欣即出言維護：「佢都係宅男，係乖仔。（安慰甩拖嘅Race？）冇，佢有事會主動搵我，我唔會八卦人哋嘅嘢。（睇伍允龍新戲？）有時間會，戥佢高興，第一部香港片做武指嘛！」

而將於下月結婚的林淑敏透露婚禮一切從簡，只會在牧師見證下簽字，亦不會擺酒，問到會否生小朋友？她說：「都想，但我食緊賀爾蒙藥，預計3年後先可以，醫生講我個Case係難有BB，所以試咗唔得會考慮領養。」