林峯萌離心 馬浚偉回巢助珍姐抗敵

林峯被指因失落視帝而有意退出娛圈，高層樂易玲即時否認，此時另一派系的無綫高層曾勵珍亦趁機不斷找自己親信回巢拍劇抗衡。珍姐除冧掂佘詩曼和黃子華重返外，之前一直不斷邀其「心腹」馬浚偉回巢，據知珍姐為表誠意，親自為他傾合約。馬浚偉亦落實五月返無綫拍攝監製梁材遠的新劇。

記者昨日致電珍姐，問到是否找馬浚偉回巢？她說：「一年前我已經搵佢返嚟啦！」對此馬浚偉只說：「係，我承認我同珍姐一直有聯絡，但呢一刻我唔可以承諾啲乜，因為好多細節仲要傾，總之農曆新年前應該會有結果。」而《好報》大爆無綫為安撫林峯而取消一人一票選《勁歌》「最受歡迎男歌星」賽制，林峯前晚與陳庭欣錄影無綫節目時無奈地說：「吓！又關我事？好似唔使努力咁，係就幾好撈！（一人一票冇信心？）我好慘o架！乜都死！（傳你續約換獎？）都係傳媒講啫！」