徐偉棟立志「打贏」徐大俠

徐偉棟雖然身為影星徐少強及雪梨之子，但沒有因「星二代」之名而偷懶，讀書時已是籃球校隊的他甚有運動天分，其後學習各類拳術，難怪操得一身健碩身材，早前更跟楊盼盼學電影動作，希望做個出色武打明星，問到會否擔心被界定為「武夫」？他說：「咁即係覺得我呢方面有潛質，大家之後會睇到我有其他變化，其實每樣拳術都只係學過吓，唔係好叻，大家睇我個款以為我好打得，都好開心！（介意同大俠父親比較？）大家年代唔同，我又唔係想做大俠。（超越爹哋？）希望啦！」偉棟表示想挑戰不同戲種，渴望演雙重性格或精神病角色一過戲癮。