高海寧強暴戲大犧牲

「咪神」高海寧在新劇扮演見習檢察官，是她夢寐以求的正派角色。問到劇中被白健恩強姦的場面，出街時會否變成徐子珊的「一秒輪姦」戲，她笑說：「我諗唔止一秒啩！」

身材出眾的高海寧過往常被安排演繹惹火角色，但新劇《法網狙擊》可謂洗底之作，監製為她度身訂造在深水埗舊區成長、母親在街頭擺檔的角色，並努力讀書改變命運，成為見習檢察官，高海寧說：「多謝監製文偉鴻塑造咗呢個背景好似我嘅角色畀我！以前經常演壞女人，今次由頭到尾都好正面，呢個角色我等咗好耐，可以話係夢寐以求！」

「唔止一秒」

劇中高海寧被白健恩強姦兼掌摑，問到拍攝時有沒有恐懼？高海寧說：「拍掌摑戲時係借位，但都中咗幾巴整到塊面紅晒，白健恩都好唔好意思！拍攝時都唔會太難受，鏡頭只係交代案情，所以唔會有負擔同陰影。」對於徐子珊在《雷霆掃毒》的「一秒輪姦」成為熱話，她笑說：「未睇自己場戲剪成點，我諗唔止一秒啩！其實場戲嘅目的係想鼓勵年輕人，帶出正面訊息，遇到挫折要企番起身，最後我都成功檢控咗個壞人！」但讓她印象最深的是一場受辱後躲在家哭的「獨腳戲」：「嗰場戲其實好難，多得監製嘅引導，場戲好自然咁完成！」

高海寧又與梁烈唯飾演情侶檔，配搭新鮮，感情線似讀書時的豆芽夢，並有甜蜜咀戲，她說：「拍咀戲嗰陣當唯唯係以前男友，初時都尷尬，有記者嚟探班，應要求咀咗好多次影相，可能咀得太多次，到正式拍時反而冇晒Feel！」