王君馨死守處女之吻

無綫藝人王君馨在戲內戲外都純過蒸餾水，由2007年入行至今，對於螢幕初吻仍未失守！曾以處女自居的君馨，坦言本以為在新劇《法網狙擊》中會跟謝天華有Kiss戲，惟她向導演發表了感性宣言後，令對方即場改劇情，她說：「戲中天華帶我去睇流星雨，本來我哋有場簡單Kiss戲，但當我同導演講『多謝你安排咗場咁浪漫嘅戲畀我，呢個係我嘅螢幕初吻！』跟住導演聽完即刻話『吓！竟然咁益個衰仔？等我刪咗場戲先！』所以我依家都未獻出螢幕初吻，哈哈！」君馨又大讚天華是位好哥哥，除了不時與她討論劇情外，又願意幫助新人，故很喜歡跟天華合作。