可嵐教仔有秘技

女歌手可嵐一向以家庭為重，為老公誕下囝囝後，一家三口不時享受天倫樂！她與老公進行「親子教學」，教囝囝整壽司時還把飯黏在囝囝嘴邊，以訓練他的口部肌肉！

可嵐自從於2010年下嫁從事飲食業的圈外人尤子威後，翌年誕下囝囝尤俊（Eugene），一家三口幸福美滿。日前可嵐與老公在餐廳大玩「活動教學」，一同教導Eugene整壽司！動手前，可嵐先跟囝囝唱英文歌兼做動作，順道郁郁手，讓手部更靈活。悟性甚高的Eugene一學即會，其後更主動整壽司，獲可嵐大讚叻叻！

可嵐又想出一個鬼主意，就是把一粒飯黏在囝囝嘴邊，其實並非作弄他，而是另有目的：「幼稚園教黏紫菜喺佢嘴邊，等佢郁動多啲嘴唇邊嘅肌肉，可以令佢快啲講嘢！」她亦不時對囝囝發揮其「老本行」：「我最鍾意同囝囝唱歌，每次教佢唱嘅時候都會畀一啲動作佢記得，等佢郁動多啲，等佢喺一個好開心嘅過程中學習！」

見證成長勁感動

看着Eugene一天一天長大，可嵐非常感恩，回想初為人母時，可嵐說：「記得佢仲係BB仔嗰陣，我覺得好無助，以前佢每一晚凌晨都會定時醒，一起身就喊，有時我又唔知佢係乜嘢原因喊，跟住覺得好自責，會問點解我做媽媽都唔夠了解囝囝嘅需要，不過最後發覺呢個都只係一個過程！」