薛凱琪疑暗寸G.E.M.少說話多做事

薛凱琪（Fiona）昨日穿上短裙出席活動晒美腿，提到鄧紫棋（G.E.M.）拍片暗寸叱咤，Fiona說：「確實唔知，我試過幾年冇獎，亦試過一年拎好多獎，人同公司都有起跌時，我揀跌時少講嘢，多做嘢，人哋嘅睇法我唔會批評。」她揚言有獎時會盡情享受，冇獎亦不會埋怨。提到在叱咤頒獎禮上疑露「阿婆底」，她澄清：「嗰件係肉色泳衣！我到阿婆時都唔會着阿婆底，但女仔嘅內衣唔應該畀全世界知，講太多唔好，我希望大家鍾意我嘅歌，唔係內衣！」即將推出新碟的她，被問到屆時可會隨碟附送阿婆底，她笑言稍後再透露。