祥仔百萬巨獎攞啲出嚟抽

「三屆視帝」黎耀祥（祥仔）去年贏得台慶百萬大獎，前晚他自掏腰包在酒家筵開十一席慰勞《大太監》台前幕後，包括梁烈唯、陳國邦、胡定欣及監製李添勝等，他說：「太多名目喇！又攞獎、抽中獎同回歸TVB十年，有咁嘅成績要多謝一班幕後。（呢期賺好多？）賺幾多都要請，會拎部分台慶大獎出嚟同大家抽。（有現金獎？）睇吓大家夠唔夠，唔夠就拎啲，好彩今日袋得錢少。」對於有傳他擺風水陣剋林峯，他指報道誇大兼無稽：「最好笑講我剋住個山峰，如果第時係馬國明，咁我咪要剋住個馬鞍山？陳豪仲大鑊，要剋埋流浮山，個陣咪要擺唔停？我一年會睇一次健康、流年，基本風水嘢，但我從來唔會為咗咩目的去擺！」