蔡國威失Job求加薪

亞視要求藝員再培訓搞到滿城風雨，早前更因缺席問題請戚黛黛食「無情雞」，與她輪流主持「六合彩」的蔡國威變得無假放，他昨日出席活動時說：「原本約咗朋友去台北倒數賀年，依家要取消假期繼續返工，仲因撞期推咗3、4個外快Job，估計損失6位數。（宮雪花話你有人工加喎！）佢講啫！最好加25%。」

而姜皓文雖與王維基簽下兩年合約，但會繼續為亞視効力。談到外傳他獲邀當亞視藝員講師，他說：「識做戲唔代表識教，我冇呢個資格！（你熟亞視歷史？）呢樣嘢成日變。（亞視開經典台？）好事，舊好睇過新嘢！」