羅孝勇否認撻着李璧琦

《巨聲幫》的羅孝勇（Sheldon）和應屆港姐朱千雪昨日出席《第二十四屆CASH流行曲創作大賽》記者會，對於有報道指因主持無綫明珠台節目而跟另一主持人李璧琦（Becky）撻着，對此Sheldon解釋：「我同Becky只係限於工作上，冇試過私下約會，我哋着情侶衫出鏡都係公司安排。」和林欣彤（Mag）傳緋聞的他被問到哪個比較適合做情人時，他說：「全部都只係啱做朋友。（傳你因為Becky同Mag吵大鑊？）完全冇呢件事。」早前有傳Mag患抑鬱症兼身體欠佳，問他有否慰問，他說：「我哋成班巨聲幫朋友喺精神上Support佢，一齊食飯唱K，幫佢紓緩壓力。」另外，朱千雪被問到有指高海寧欺負岑杏賢，她說：「岑杏賢有同我提過，佢話冇咁嘅事，佢讚高Ling好Nice，同埋合作得好愉快。（你有冇試過畀人蝦？）冇，個個都對我好好。」