董敏莉寸爆：冇得發揮

曾批評亞視零收視被炒魷的前亞視藝人董敏莉昨日到電台宣傳，談及亞視近日出招逼藝人上堂，她直斥：「佢哋最近做好多嘢都『奇特』，好彩之前冇叫我去上堂，亦好慶幸十一月已經完咗約！」問到可認為課程導師唔夠班？她寸爆留在亞視冇發揮：「亞視其實臥虎藏龍，只係冇機會發揮！」提到亞視高層王征騎呢出位？她說：「唔識佢，但係我接受唔到我老闆跳騎馬舞！」同場的前港姐梁佩瑚自爆最近煲劇而愛上馬國明，並打趣指不介意與他玩「姊弟戀」。