葉俊亨首奪個人獎夢想成真

馬來西亞新人葉俊亨（Hank）前晚參與《新城勁爆頒獎禮2012》，開齋勇奪「勁爆新登場海外歌手」大獎。對於首度得獎，他大表興奮：「我喺馬來西亞從未攞過個人獎，今次係我第一次拎，好興奮！」又透露在開場新人巡禮的表演中緊張得手腳冰冷，但能在頒獎禮台上表演可謂夢想成真：「細細個有睇頒獎禮，嗰時諗如果有得坐喺台下睇已經好開心，冇諗過可以同陳奕迅同台，仲可以上台表演！」被指跟歌手王梓軒十足「餅印」的他笑言會找對方合照。