祖兒獻吻鼓勵師兄

容祖兒在《勁爆》頒獎禮上憑4獎成為女歌手大贏家，而英皇歌手則橫掃24獎！祖兒成績理想，難怪與男友劉浩龍（師兄）的戀情被擺上枱亦不介意，更在慶功宴上大方地說：「好好喇！比想像中容易接受，以往玩得再大膽啲、頑皮啲，今次OK吖！（事前要求唔准玩？）冇要求，相信佢哋聽到我之前嘅呼籲，大家都高抬貴手。（好驚被玩？）冇咩驚，我面對嘅態度係大大方方。」大會特地安排她與師兄同台領獎，她更與師兄舊愛鄭融排排企，但二人言談甚歡，似乎未感尷尬，祖兒說：「我讚佢隻歌好聽，戥佢攞獎開心。（有冇戥師兄開心？）都有，大家都開心，恭喜佢啦！繼續努力！」問到會否錫錫男友當獎勵，她笑住點頭默認。