趙彤為葛優晚晚失眠
台灣女主播趙彤（Yedda）近年專注在內地發展，身為電視台一姐的她早前擔任《2012華娛衞視亞洲十大紅人盛典》主持。為隆重其事，Yedda身穿低胸兼大露背裙，艷壓全場！她坦言當晚見到葛優和吳建豪等一級明星，心情興奮又緊張：「當我知道自己有份為呢個騷做主持，開心到幾晚瞓唔着，因為可以近距離同葛優接觸，向佢請教做演員心得。佢係我好欣賞嘅一位演員，超級好戲，結果當晚我同佢真係有一個好難得嘅交流，佢同我分享點先可以成為一位好演員，令我畢生受用。」
提到Yedda被指下巴變尖及大眼睛疑似整容，她矢口否認，並氣憤地澄清：「我出道以來，面形都冇變過，一直都係瓜子面，以前大家話我初出道面尖尖似蔡少芬，點解依家又話我以前下面唔尖，依家先尖呢？可能係我最近轉咗短髮Look，令塊面突出咗。」
影帝葛優分享做好演員的心得，令擔任主持的趙彤畢生受用。
趙彤穿上低胸晚裝，艷光四射。