周柏豪揀女友謝絕懶人

向來孝順的歌手周柏豪，為免外婆有所牽掛，刻意在外婆逝世前隱瞞開演唱會的消息：「我冇話過畀婆婆知我開Concert，因為當時擔心佢身體唔好，如果話咗畀佢知，佢想出嚟睇又睇唔到就會好唔開心！今年初，佢有嚟睇我第一次舉行嘅音樂會，咁佢嗰時睇咗就已經冇遺憾！」柏豪坦言對外婆的過身未釋懷，但仍會堅強走下去：「《無力挽回》呢首歌我係為婆婆而作，其實每次聽嘅時候我都會喊，因為我對婆婆嘅離世仲未釋懷，始終佢離開咗只係幾個月，我需要時間適應。但為咗證明畀婆婆知我可以Keep Going，我唔會沉溺喺悲痛嘅時間太耐！」

柏豪集型英帥於一身，自然迷倒不少女粉絲，偏偏缺乏愛情滋潤的他亦坦言恨拍拖：「今年我有一首歌叫《拿愛情給我》，其實就係表達我喺現實生活中渴望愛情、希望有人錫、有人愛。（理想女友條件？）一定要有愛心、修養、仲要錫屋企人！」他更笑言自己勤力如一頭牛，故女友一定不能懶：「我係一隻牛，橫衝直撞永遠都唔會停，所以對方唔可以係懶人，如果唔係火星撞地球，好易嗌交！」