黃翠如拍劇「鴨仔團」隨行

藝員黃翠如早前到廣東英德為劇集《心路GPS》拍攝外景，《心》劇是翠如加盟無綫後首套電視劇，有麥長青和陳展鵬等陪伴外，開工時十分熱鬧，她笑說：「我哋喺農場拍嘢，嗰度有成七千隻鴨仔，你行到去邊都係鴨仔，啲鴨仔會跟住你行。起初覺得小村莊污糟，但係耐咗，你會好鍾意英德呢個地方，山明水秀、好寧靜、風景、古蹟都好靚。」大隊到英德拍攝了廿多天，演員和工作人員人少少，但關係十分密切，她笑說：「拍攝唔算辛苦，係曬啲，大家拍完都曬黑咗。拍得好開心，大家感情好好。英德係比較落後嘅地方，除咗食消夜就冇其他娛樂，大家夜晚有時間就喺房玩啤牌傾偈，頭幾日已經輸咗幾十萬蚊畀麥包，睇嚟呢幾年都係幫麥包打工。」

劇接劇的翠如最近再拍另一劇集《師父．我明白》扮演賊婆，她說：「角色係粗聲粗氣嘅賊婆娘，自己把聲柔弱啲，麥包同展鵬都教我要跑步、跳繩練氣、練講嘢。」