鍾一憲麥貝夷遭三語問候

鍾一憲與麥貝夷曾在除夕夜「偷雞」在私人地方玩煙花，結果驚動嬸嬸以三地語言「開年」，被大鬧趕離場！

鍾一憲（Jason）與麥貝夷（Karene）對於傳聞的「末日」證實是虛驚一場後，Karene坦言與家人的關係「升呢」，更珍惜敍天倫的時光。Jason更化身「月老」為粉絲搭路做媒：「我喺社交網站鼓勵啲粉絲趁末日前，對心愛嘅人表白！」

至於除夕夜，他們將以情侶檔繼續吸金，Jason自爆曾「醉」爆除夕而錯過倒數：「同班朋友夜晚六點開始飲酒，點知最後醉到不省人事，醒番已經過咗倒數。」而Karene斗膽與Jason在內地的私人地方，大玩煙花慶祝，最後慘被鄰居嬸嬸以三地語言大鬧趕離場：「可能玩得嘈得滯，有個嬸嬸用齊英文、普通話同廣東話鬧我哋！」

寄望明年有拖拍

由出道至今，兩人在螢幕以情侶檔示人，令不少追求者嚇怕止步，Karene說：「之後同個男仔過咗曖昧階段，先知佢誤以為我同Jason真拍拖，睬！」而Jason亦被不少密友拷問逼供，追問拍拖對象。而兩人不約而同寄望明年覓得另一半，Jason說：「我都Dry足幾年，我比較多愁善感，返到屋企有時好寂寞，想有人陪吓！」他們又希望新碟《天生不對》大賣，來年初嘗踏足影視圈，過演戲癮！