周志康考車一Take過

「巨聲幫」孖仔周志文與周志康日前孖住到沙田駕駛學院考車牌，細孖今次威過大孖！當日細孖周志康要考最後一次路試，而大孖周志文則在翌日考泊位，之後再考路試。細孖考試前相當緊張，但落場時非常冷靜，做足每個步驟。成功過關後，兩兄弟互抱慶祝！提到大孖翌日考泊位，細孖祝福他能一Take Pass。但他倆均未考慮買車，大孖說：「考車主要為咗拍劇，就算之後買都可能兩份揸住先，車吓朋友。（車女仔？）我哋會車媽咪o架！」而翌日大孖亦順利通過泊位考試，向路試進發！