許亦妮追犯似玩短跑

無綫藝人許亦妮、黃翠如及黃浩然昨日拍攝新劇《師父．明白了》，飾演捕快的許亦妮用刀威嚇黃浩然，但其追捕戲被取笑似進行田徑比賽，她笑說：「可能我唔夠粗魯，成日畀人笑我跑到好似田徑咁，又話我揮刀劍好似細路仔玩玩具喎！睇嚟我可以拍喜劇喎！」

至於飾演一對的黃翠如與黃浩然齊齊病住開工，黃翠如說：「大家互相傳染，之前發住燒開工，得個軀殼，但大家都唔可以冧廠，因為群戲多，冧廠影響好大。」她自爆在劇中對黃浩然非常猴擒，又拖又攬！而黃浩然則透露因拍劇而推掉不少聖誕搵真銀工作。